Khmer Cook: អត្ថប្រយោជន៏ផ្លែឈើ

ចេក(Banana)

ផ្លែចេកសម្បូរទៅដោយវីតាមីន A B6 B12 កាល់ស្យូម ផូស្វ័រ ប៉ូតាស្យូម កាបូអ៊ីដ្រាត ផ្តល់ថាមពល ព្រមទាំងអាចជួយព្យាបាលជំងឺផ្សេងៗ បានទៀតផង ដូចជា ព្យាបាលប្រគ្រីវ ឈឺដើមទ្រូង តានតឹងប្រព័ន្ធប្រសាទ ទល់លាមក ហើមពោះជាដើម។
ល្ហុង(Papaya)

ល្ហុងមានគុណសម្បត្តិប្រហាក់ ប្រហែលគ្នា គឺមានអង់ស៊ីម ម្យ៉ាងឈ្មោះ"Papen" ដែលមានលក្ខណៈស្រដៀងគ្នាជាមួយនឹងទឹករំលាយក្នុងក្រពះអាហារ។ សារជាតិទាំងនេះបានជួយជំរុញឲ្យកាកសំណល់ប្រភេទប្រូតេអ៊ីនបំបែក ខ្លួនឆាប់រហ័ស។ ក្រៅពីនេះ វានៅមានកាកសរសៃខ្ពស់ ធ្វើឲ្យប្រព័ន្ធបញ្ចេញចោល ធ្វើការងារបានល្អ ពោះវៀនក៏ស្អាត។ អ្នកដែលមានអារម្មណ៍ឆាប់ភ័យតក់ស្លុត និងមើលបញ្ហាផ្សេងៗលើផ្លូវអាក្រក់ច្រើន គួរបរិភោគល្ហុងឱ្យបានច្រើនឡើង ព្រោះគេមានជំនឿថា ល្ហុងអាចកាត់បន្ថយអាការៈទុក្ខសោកផ្នែកផ្លូវអារម្មណ៍បានមួយ កម្រិត។

ស្វាយ (Mango)

ស្វាយមានសារធាតុ ខារ៉ូទីណយណ៍ (Carotenoid) ក្នុងបរិមាណច្រើន ដែលរាងកាយនឹងបំប្លែងទៅជា វីតាមីន A ដែលមានប្រយោជន៌ចំពោះស្បែក ក្នុងការការពារស្បែក ដែលខូចដោយសារពន្លឺថ្ងៃ និងជួយការពារស្នាមជ្រីវជ្រួញតូច ជួយបន្តឹងស្បែក។ ក្រៅពីនេះ នៅមានវីតាមីន E និង C ជួយរួមចំណែក ក្នុងការពង្រឹង ប្រព័ន្ឋការពាររាងកាយ អោយរឹងមាំល្អ។

ផ្លែម្នាស់ (Pineapple)

ផ្លែម្នាស់សម្បូរទៅដោយវីតាមីន A និង C (Vitamin A & C) កាល់ស្យូម (Calcium) ផូស្វ័រ (Phosphorus) និងប្រូមេឡែន (Bromelain)...។វាក៏មានអង់ស៊ីម (ប្រូតេអ៊ីន) ដែលជួយធ្វើឱ្យការធ្វើការងាររបស់អាស៊ីដអំបិល (Hydrochloric) ក្នុងក្រពះ ល្អប្រសើរឡើង និងធ្វើឱ្យកាកសំណល់ដែលជាប្រូតេអ៊ីនរំលាយខ្លួនបានឆាប់រហ័ស ទើបរាងកាយកម្ចាត់កាកសំណល់ទៅបានល្អ។ក្រៅពីនេះ ម្នាស់ជាប្រភេទឱសថជួយបំបាត់អាការរលាកក្នុងផ្លូវរំលាយអាហារ ជួយជួសជុលផ្នែកខូចខាតផ្សេងៗ ជួយក្នុងការធ្វើការងាររបស់ក្រពេញគ្មានរន្ធ និងជួយកម្ចាត់ទឹកសំបោរ។ ម្នាស់ អាចជួយបង្ការ ជំងឺរលាកតម្រងនោម សម្ពាធឈាមខ្ពស់ (ជួយបន្ថយសម្អាធឈាម) រលាកបំពង់ខ្យល់ ព្រមទាំងជួយរំលាយអាហារប្រភេទសាច់បានល្អ បង្កើនការបឺតស្រូបយកអាហារ បំបាត់ការស្រេកទឹក ជួយអោយរាងកាយមានភាពត្រជាក់ ជួយប្រឆាំងរោគផ្តាសាយ ។

ផ្លែឪឡឹក (Water melon)

ផ្លែឪឡឹកមានGlutathione ដែលជាសារធាតុទប់ស្កាត់រ៉ាឌីកាល់សេរី មានវិតាមីនC វីតាមីន A ប៉ូតាស្យូម ថៃរ៉ាមីន ឡៃខូពីន វីតាមីនB2 និងវីតាមីនB6 ម៉ាញ៉េស្យូម និងរ៉ែធាតុផ្សេងៗជាច្រើនទៀត ធ្វើឲ្យរាងកាយរបស់អ្នកដែលទទួលទានរឹងប៉ឹងល្អ ហើយថែមទាំងជួយឲ្យប្រព័ន្ធការពារមេរោគដំណើរការបានយ៉ាងមាន ប្រសិទ្ធភាព។
ទំពាំងបាយជួ(Grape )

ផ្លែទំពាំងបាយជូ គឺជាផ្លែឈើម្យ៉ាងដែលមានរាងមូល ឬ ពងក្រពើតូច និង មានសាច់ថ្លាល្អក់ និងស្រោបដោយ សំបកទន់រលោង។ មានទំពាំងបាយជូរប្រភេទខ្លះមានផ្ទុកគ្រាប់ដែលអាចញុំាបាន និង មួយចំនួនទៀត គឺគ្មានគ្រាប់ នោះទេ។ ពួកវាអាចត្រូវបានគេទុកធ្វើជាអាហារសម្រាប់លាងមាត់ និង ធ្វើជាស្រាទំពាំងបាយជូរ ឬ ជាតំណាប់ ទំពាំងបាយជូក្រៀម ។

អត្ថប្រយោជន៍របស់ផ្លែទំពាំងបាយជូរ ចំពោះសុខភាព

·         ជំងឺហឺត: ដោយសារតែតម្លៃនៃការព្យាបាលរបស់វាខ្ពស់ ផ្លែទំពាំងបាយជូរ អាចត្រូវបានគេប្រើសម្រាប់ ធ្វើការព្យាបាលជំងឺហឺត។ លើសពីនេះទៅទៀត ឥទ្ធិពលនៃការជ្រួតជ្រាបរបស់វាក៏មាន កម្រិតខ្ពស់ជាងគេ ផងដែរ។ វាបានជួយបង្កើន នូវជាតិសំណើមដែលមានវត្តមាននៅក្នុងសួត។

·         ជំងឺបេះដូង : ផ្លែទំពាំងបាយជូរ បានជួយបង្កើនដល់កម្រិត nitric oxide នៅក្នុងឈាម ដែលវាបានជួយការ ពារនូវកំណកឈាម ហេតុដូចនេះហើយវាក៏អាច កាត់បន្ថយនូវឱកាសនៃការគាំងបេះដូងបានផងដែរ។ បន្ថែមពីនេះទៅទៀត វត្តមានរបស់សារធាតុប្រឆាំងនឹងប្រតិកម្មអុកស៊ីត ដែលមាននៅក្នុងផ្លែឈើប្រភេទ នេះ បានជួយការពារដល់អុកស៊ីតកម្ម របស់កូឡេស្តេរ៉ូល អាក្រក់ ដែលនឹងធ្វើអោយ មានការស្ទះសសៃឈាមបាន។

·         ឈឺក្បាលប្រកាំង : ទឹកផ្លែទំពាំងបាយជូរទុំ គឺជាឱសថព្យាបាលនៅផ្ទះមួយប្រភេទ សម្រាប់ ការព្យាបាលអាការៈ ឈឺមួយចំហៀងក្បាល។ វាគួរតែត្រូវបានទទួលទាន អោយបានឆាប់រហ័សនៅក្នុង ពេលព្រឹកព្រលឹម ដោយមិនចាំបាច់ធ្វើការបន្ថែមទឹកទៀតនោះទេ។

·         ទល់លាមក: ផ្លែទំពាំងបាយជូរ មានប្រសិទ្ធភាពណាស់ ក្នុងការយកឈ្នះនឹង ជំងឺទល់លាមក។ ពួកវា ត្រូវបានចាត់ទុកជាប្រភេទអាហារដែលជួយបញ្ចុះលាមក ដោយសារតែពួកវាមានផ្ទុក ជាតិ organic acid, cellulose និង ស្ករ។ ពួកវាក៏បានជួយធ្វើអោយស្ថានភាពទល់លាមករុំារ៉ៃ មានភាពធូរស្រាលបានផងដែរ ដោយវាបានពង្រឹងដល់ថាមពលរបស់ពោះវៀន និង ក្រពះ។

·         ការមិនរំលាយអាហារ: ផ្លែទំពាំងបាយជូរ បានដើរតួនាទីយ៉ាងសំខាន់ ចំពោះភាពលំបាកក្នុងការ រំលាយអាហាររបស់អ្នក។ ពួកវាបានជួយបន្ថយកំដៅ និង ព្យាបាលការមិនរំលាយអាហារ និង ផលរំខាន ដែលកើតមានចំពោះក្រពះ។

·         ការអស់កំលាំង: ទឹកផ្លែទំពាំងបាយជូរ ដែលមានពណ៌ស្រាល ឬ ស អាចជួយបំពេញបន្ថែម នូវជាតិដែក ដែលមានផ្ទុកនៅក្នុងឈាម និង ជួយការពារអ្នកបាន ពីសភាពអស់កំលាំង។ ប៉ុន្តែទឹកទំពាំងបាយជូរពណ៌ ខ្មៅ គឺប្រហែលជាមិនអាចជួយ ជម្រុញអោយមានជាតិដែកនោះទេ ផ្ទុយទៅវិញ វាបែរជាកាត់បន្ថយនូវ កម្រិតជាតិដែកទាំងនោះ ទៅវិញ។ ការផឹកទឹកទំពាំងបាយជូរស ក៏អាចធ្វើអោយអ្នកមានថាមពល បានភ្លាមៗផងដែរ។ សារធាតុប្រឆាំងនឹងប្រតិកម្មអុកស៊ីត ដែលមាននៅក្នុងផ្លែទំពាំងបាយជូរ ក៏បាន ជួយជម្រុញមុខងាររបស់ ប្រព័ន្ធភាពសុំាអ្នក អោយបានប្រសើរឡើងផងដែរ។

·         ភាពមិនប្រក្រតីចំពោះតម្រងនោម: ផ្លែទំពាំងបាយជូរ អាចជួយកាត់បន្ថយ នូវជាតិភាពជូរ របស់ uric acid និង ជួយនៅក្នុងដំណើរនៃការលុបបំបាត់ជាតិអាស៊ីត ចេញពីប្រព័ន្ធនេះ ដោយវាបានធ្វើការកាត់បន្ថយ នូវ សម្ពាធនៃការធ្វើការ របស់តម្រងនោម។

·         ជំងឺមហារីកសុដន់: តាមរយៈការសិក្សានាពេលចុងក្រោយនេះ បានរកឃើញថា ទឹកទំពាំងបាយជូរ ដែលមានពណ៌ស្វាយ បានជួយដល់ការ ការពារជំងឺមហារីកសុដន់។ ការធ្លាក់ចុះជាពិសេស នូវដុំសាច់នៅ ក្នុងក្រពេញទឹកដោះ នៃកណ្តុរនៅក្នុងមន្ទីរពិសោធន៍ ត្រូវបានរកឃើញ បន្ទាប់ពីគេបាន ផ្តល់អោយកណ្តុរ ទាំងនោះ អោយផឹកនូវទឹកទំពាំងបាយជូ នៅក្នុងដំណាក់កាលនៃការពិសោធន៍នេះ។

·         ជំងឺ Alzhemier’s : ជាតិ Resveratrol ដែលជា polyphenol ដ៏មានអត្ថប្រយោជន៍ ដែលមានវត្តមាននៅក្នុង ផ្លែទំពាំងបាយជូរ បានជួយកាត់បន្ថយនូវកម្រិត នៃ amyloidal- beta peptides របស់អ្នកជំងឺ Alzhemier’s ។ ការសិក្សាស្រាវជ្រាវជាច្រើន បានបង្ហាញថា ផ្លែទំពាំងបាយជូរ អាចជួយធ្វើអោយសុខភាពខួរក្បាល មានភាពប្រសើរឡើង និង បញ្ឈប់នូវចំណុចផ្តើមរបស់ជំងឺ នៃការចុះអន់ថយនូវសសៃប្រសាទ។

·         ការថមថយនូវការមើលឃើញ : ផ្លែទំពាំងបាយជូរ អាចការពារឱនភាពនៃការមើលឃើញ ឬ ការបាត់បង់ នូវការមើលឃើញ ដែលមានទំនាក់ទំនងទៅនឹងអាយុកាល។ ការទទួលទានផ្លែទំពាំងបាយជូរ អោយបាន បីផ្លែក្នុងមួយថ្ងៃ គឺអាចកាត់បន្ថយនូវ ការប្រឈមនឹងគ្រោះថ្នាក់នៃឱនភាពនៃការមើលឃើញនេះ បានលើសពី ៣៦ភាគរយ។

·         ការពារជំងឺឡើងបាយ: សារជាតិ Flavonoids ដែលមាននៅក្នុង ផ្លែទំពាំងបាយជូរ មានផ្ទុកសារជាតិ ប្រឆាំងប្រតិកម្មអុកស៊ីត ដែលវាអាចជួយកាត់បន្ថយ និង ប្រឆាំងនឹងការបំផ្លាញ ដែលបណ្តាមកពី រ៉ាឌីកាល់សេរី តាមដែលជំងឺឡើងបាយភ្នែកនេះ អាចជាផ្នែកមួយនៃជំងឺ សសៃឈាមបេះដូង, ជំងឺមហារីក និង បញ្ហាដែលទាក់ទងនឹងវ័យចាស់ជរា។

·         កូឡេស្តេរ៉ូល នៅក្នុងឈាម: ផ្លែទំពាំងបាយជូរ មានផ្ទុកសមាសធាតុ ដែលត្រូវបានគេហៅថា pterostibene ដែលមានសម្ថភាព ក្នុងការ ធ្វើអោយជាតិកូឡេស្តេរ៉ូលចុះទាប។ ជាតិ saponins ដែលមានវត្តមាននៅក្នុង សំបកផ្លែទំពាំងបាយជូរ ក៏អាចការពារអ្នកបានពីការបឺតស្រូប នៃជាតិកូឡេស្តេរ៉ូលបានដែរ។

Pages

អត្ថប្រយោជន៏ផ្លែឈើ

ស្វាយ (Mango)

ផ្លែម្នាស់ (Pineapple)

ផ្លែឪឡឹក (Water melon)

No comments:

Post a Comment